053r - - - - - Soulder un estoc
Il est bon que les joues de lestoc soient haultes pour y former une
longue piece Et que les joues joignent bien affin de serrer une chose
subtile Pour soulder lancrou Apres que tu as forge la vis tu feras
forgeras une longue liste de fer quar de telle grosseur quelle puisse entrer dans
lencochement de la vis estant rougie & luy po feras plier tout aultour
la frapant du marteau Y estant bien jo entourne Tu la feras
entrer la vis o sur laquelle est elle est entournee
Cuivre
Si au foeu & a la fonte il touche le fer Ce fer sera apres
si aigre quil ne se pourra forger
Gect de plomb
On le mesle selon aulcuns moictie destain & moictie plomb
et pour leschafer on y mesle un peu de sublime Il se gecte bien
en petit dans los de seiche pourveu quil soict bon
Mouler de papier
Fais bouillir sur cendres chauldes du cotton en eau fort meslee de sel ammoniac
comme eau regale Et le cotton viendra fort subtil comme pouldre
destrempe le apres avecq eau gommee & mouleras fort delicat
Amendiers abricots
Ils viennent bien droicts si on les hante Et touts arbres
de noyau comme pavis mericotons alberges vie abricots & viennent
mieulx hantes sur lamendier en escusson
Gect de plomb et cuivre
Le plomb & estaim vient bien en croye blanche mays tant
plus elle est doulce elle est meilleure Celle de champaigne
obtient le prix qui se porte a lyon Les os de cheval
brusles & calcines moulent fort net
at left bottom margin
Je croy que la
moele des cornes
des boeufs ou
mouton cest a dire los spongieulx de dedans
moule fort net et est meilleure que los
at bottom margin
Note que tout metal aigre vient mieulx que le gras Aussy
le sable maigre le recoit mieulx & le suppe que le dense