052v - - - - - [continued]
ou pour le plus seur, retire toy hors de là jusques à ce
que le foeu soit amorty & que tout soict refroidy, Ap car
l’exhalation en seroit dangereuse. Et pour ceste occasion,
quand tu l’apastes avecq des pincettes, blave toy la bouche
de bon vinaigre & prens quelque preservatif & te bouche bien.
Estant mort, mects le dans un linge ou canevas de soye & le
plye & le pends au planché, où l’air ou& le soleil le deseche.
Estant bien sec, pulverise le dans un mortier. Et garde bien
curieusement ceste pouldre, car un ℥ d’icelle gectée sur iii lb. de ♁
fondu le reduit en ☉ plus fin que l’aultre. Mays il n’a pas
tant de poix. Il fault aussy pour cet œuvre choisir le
plus vieux ♁ que tu pourras, qui souvent aye esté fondu &
subtillement battu en lamines ou aultres ouvrages, & plustost
le purifier, le fondant & gectant dans miel & vinaigre.
Le terme de l’oeuvre est de noeuf moys despuys la Sainct Jehan
jusques au 25 d’apvril.
Lin
Qui le veult avoyr beau & pfort delié, il le fault cueillir
plustost que la fd grene soict parfaictement meure. Car si on attent
que la grene soict parfaictement meure, le pied est si deseché du soleil
qu’il est brusc & rompant. Il est vray qu’en ceste sorte la graine
se dechoit du tiers.
Couleurs
Si tu les veulx garder à gomme belles et qu’elles ne perdent
poinct de leur naïfve couleur, mects du vin blanc le plus blanc
& cler que tu pourras dans une bouteille avecq un peu de gomme
dragant. Et ayant bouché la bouteille, brouille & debats cela bien
fort ensemble & laisse reposer jusques à ce que la dragant soit
dissoubte. Mects y aussy un peu de sel blanc menu pour esclarcir
le tout. Aulcuns meslent de l’eau claire avecq le vin blanc, et
avecq ceste composition ilz destrempent les couleurs sans broyer. Et
elles se monstrent fort belles en œuvre d’enlumineure.