052v - - - - - cc
[continued]
ou pour le plus seur retire toy hors de la jusques a ce
que le foeu soit amorty & que tout soict refroidy Ap Car
lexhalation en seroit dangereuse Et pour ceste occasion
quand tu lapastes avecq des pincettes blave toy la bouche
de bon vinaigre & prens quelque preservatif & te bouche bien
Estant mort mects le dans un linge ou canevas de soye & le
plye & le pends au planche ou lair ou& le soleil le deseche
Estant bien sec pulverise le dans un mortier Et garde bien
curieusement ceste pouldre Car un ℥ dicelle gectee sur iii lb de ♁
fondu le reduit en☉plus fin que laultre Mays il na pas
tant de poix Il fault aussy pour cet œuvre choisir le
plus vieux ♁ que tu pourras qui souvent aye este fondu &
subtillement battu en lamines ou aultres ouvrages & plustost
le purifier le fondant & gectant dans miel & vinaigre
Le terme de loeuvre est de noeuf moys despuys la sainct Jehan
jusques au 25 dapvril
Lin
Qui le veult avoyr beau & p fort delie il le fault cueillir
plustost que la fd grene soict parfaictement meure Car si on attent
que la grene soict parfaictement meure le pied est si deseche du soleil
quil est brusc & rompant Il est vray quen ceste sorte la graine
se dechoit du tiers
Couleurs
Si tu les veulx garder a gomme belles et quelles ne perdent
poinct de leur naifve couleur Mects du vin blanc le plus blanc
& cler que tu pourras dans une bouteille avecq un peu de gomme
dragant Et ayant bouche la bouteille brouille & debats cela bien
fort ensemble & laisse reposer jusques a ce que la dragant soit
dissoubte Mects y aussy un peu de sol blanc menu pour esclarcir
le tout Aulcuns meslent de leau claire avecq le vin blanc Et
avecq ceste composition ilz destrempent les couleurs sans broyer Et
elles se monstrent fort belles en œuvre denlumineure