052r - - - - - Oeuvre faicte en Argel
Ayes un poulain de trois ou 4 ans & le nourrys de segle orge & paille
pig couppé à la facon qu’on nourrist les chevaulx en Espaigne,
et l’abreuve d’eau bonne de fontaine ou de riviere. Je ne sçay
s’il seroit bon de l’abreuver parfoys d’eau des baings sulphurés,
& luy donner parfois du senegre ou aultres aliments chaults,
car l’intention de l’ouvrier est d’en de se servir de la chaleur
de son fient, & le climat de deça est plus froid que celuy d’Argel.
Tiens le en lieu chault & serré & qu’il ne se perde rien de son
fient & urine, de quoy tu feras un amas ou deulx affin que,
pendant que l’un se refroidist, l’aultre soict en chaleur propre
pour continuer. Ayes aussy un grand mattelas de verre, le
plus espés qu’il te sera possible & d’un doigt s’il se peult faire,
& de la capacité d’une buye ou broc de terre. Mects dedans vers
la Saint Jehan une douzaine & demye d’oeufs de poule, sçavoir
le jaulne sans la glaire & le germe (voy). Aultres disent lx
jaulnes. Et sera avecq ceste douzaine & demye de jaulnes d’oeufs,
mects y demy once (aultres disent en lx oeufs demy lb) de graine
de vers de soye femelle. Et aprés avoyr bien lutté le matteras (je ne sçay
s’il seroit point besoing que pour la generation il y eust air),
mects le & l’ensevelis dans la chaleur du fiens jusques au col,
et l’y laisse jusques à ce que plusieurs f vers se soient engendrés.
Et lors retire le mattelas & ne l’ensevelis plus dans le fiens,
mays tiens le seulement posé sur la couche du fiens chaulxt
jusques à ce que tous les vers se seront mangés & consumés les
ungs dles aultres en se froissant & remuant, et qu’il n’en demeure qu’un.
Quand ainsy est, il te le fauldra apaster ordinairement par intervalle
de jour & de nuit par le secours de deulx hommes qui par intervalle
en auront le soing, et tu l’apasteras d’un jaulne d’oeuf couvert d’une
foeille d’or, ou qu’avecq le jaulne d’oeuf liquide la foeille d’or soit
incorporée; & garde bien que telle pasture ne luy manque pas (aulcuns
dissent un jaulne d’oeuf pour heure, aultres trois, mays la chose
mesmes demonstrera la practique). En ceste sorte nourry, il fera
son croist en deulx moys ou sept sepmaines & viendra comme un
serpent long d’un empan & 4 doigts & du pois d’une lb, et comme les
aisles luy comanceront à naistre, il le fauldra faire mourir,
faisant avecq du charbon foeu de roue aultour de la bouteille un
empan loing, et lors bouche & lutte bien la bouteille affin qu’elle n’exale
[continued]