Making and Knowing
A minimal edition of BnF Ms Fr 640

[TOC] | [translation]

- - - - - folio image: 052r - - - - -

Oeuvre faicte en Argel

Ayes un poulain de trois ou 4 ans & le nourrys de segle orge & paille
pig couppe a la facon quon nourrist les chevaulx en espaigne
Et labreuve deau bonne de fontaine ou de riviere Je ne scay
sil seroit bon de labreuver par foys deau des baings sulphures
& luy donner par fois du senegre ou aultres aliments chaults
Car lintention de louvrier est den de se servir de la chaleur
de son fient & le climat de deca est plus froid que celuy dargel
Tiens le en lieu chault & serre & quil ne se perde rien de son
fient & urine Dequoy tu feras un amas ou deulx affin que
pendant que lun se refroidist laultre soict en chaleur propre
pour continuer Ayes aussy un grand mattelas de verre le
plus espes quil te sera possible & dun doigt sil se peult faire
& de la capacite dune buye ou broc de terre Mects dedans vers
la Saint Jehan une douzaine & demye doeufs de poule scavoir
le jaulne sans la glaire & le (germe) voy) Aultres disent lx
jaulnes Et sera avecq ceste douzaine & demye de jaulnes doeufs
mects y demy once (aultres disent en lx oeufs demy lb) de graine
de vers de soye femelle
Et apres avoyr bien lutte le matteras (je ne scay
sil seroit point besoing que pour la generation il y eust air)
Mects le & lensevelis dans la chaleur du fiens jusques au col
et luy laisse jusques a ce que plusieurs f vers se soient engendres
Et lors retire le mattelas & ne lensevelis plus dans le fiens
Mays tiens le seulement pose sur la couche du fiens chaulxt
jusques a ce que tous les vers se seront manges & consumes les
ungs dles aultres en se froissant & remuant Et quil nen demeure quun
Quand ainsy est il te le fauldra apaster ordinairement par intervalle
de jour & de nuit par le secours de deulx hommes qui par intervalle
en auront le soing Et tu lapasteras dun jaulne doeuf couvert dune
foeille dor ou quavelq le jaulne doeuf liquide la foeille dor soit
incorporee & garde bien que telle pasture ne luy manque pas (aulcuns
dissent un jaulne doeuf pour heure aultres trois Mays la chose
mesmes demonstrera la practique En ceste sorte nourry il fera
son croist en deulx moys ou sept sepmaines & viendra comme un
serpent long dun empan & 4 doigts & du pois dune lb Et comme les
aisles luy comanceront a naistre Il le fauldra faire mourir
faisant avecq du charbon foeu de roue aultour de la bouteille un
empan loing Et lors bouche & lutte bien la bouteille affin quelle nexale

[continued]