051v - - - - - [continued]
qui est different de celuy des imprimeurs Il fault faire long
temps bouillir de lhuile de noix ou pour mieulx de lhuile de
lin & ayant long temps bouilly Tu y mectras des aulx &
des croustes de pain pour les desgraisser & laisseras encores
fort bouillir puys en fin y mectras une partye du noir
de lampe que tu auras broye avecq de lhuile auparavant
sur le marbre Et en fin le mesleras tout tant & jusques a ce
que tu voyes que la planche imprime bien Laquelle Et
comme tu y auras couche lancre essuye bien les planches avecq
la superficie dune foeille de papier blanc & fais ainsy
jusques a ce que le papier se monstre net puys imprime
Si tu essuyois les planches avecq un linge il osteroit lancre
Lhuile de lin sespessist en bouillant & vient comme un vernis & est
dangereulx de senflammer partant quand tu le feras bouillir fais
que ce soit en lieu descouvert ou en lieu ou la flamme ne puisse
porter domaige Aulcuns font brusler du tartre jusques a ce
quil soict noir & le broyent avecq de lhuile de lin non bouilly
ou huile de noix que daultres trouvent meilleur Ce noir est
beau Mays celuy de fumee de lampe est plus noir Quand
tu veulx imprimer fr prens avecq le bout du doigt dudict noir
mediocrement espes toute la planche premierement nettoyee en lessive
comme dict puys avecq la superficie dun papier blanc frotte la
jusques a ce que le papier demeure blanc & ne la touches pas
de la main nue pourceq mays un papier aplique par dessus
& ayant nettoye parfaictement la mi planche frotte encores dun papier
redouble les bords & costes Apres ayes une petite table unye
& sur icelle une piece de feultre puys quelques foeilles de papier
& en fin celle que tu veulx imprimer qui soit humectee entre deulx
servietes mouillees Et sur ceste foeille mects ta planche puys
daultre papier & enfin ung aultre foeultrePuys passe entre
les rolleaulx Et tu peulx imprimer une douzaine de pieces
de suicte en chargeant tousjours la planche dancre & la nettoyant
comme tu as faict Mays si tu desistes dimprimer Le reste de
lancre se sechera dans les traicts de la planche Ainsy il te
la fauldra faire bouillir en lessive ou urine comme est ja dict
pour la nettoyer Les rouleaux ne doibvent pas estre trop lasches