051r - - - - - Contretirer
Fais de l’eau de savon & d’icelle frotte & humecte la piece de taille
doulce que tu veulx contretirer, puys pose dessus du papier blanc
& frotte par dessus bien fort avecq une dent ou un cul de verre,
& tu emporteras ta piece imprimée. Il est vray qu’elle sera à gauche,
mays si tu huiles ton papier d’huile d’aspic & ou de tourmentine,
il te le representera à gauche droicte de l’aultre costé. Suys
doncq ces traicts avecq un pinceau ou une plume, puys chaufe
le papier & l’huile s’en ira & laissera ton papier blanc. Et si
tu veulx que cela ne se cognoisse poinct, si par cas fortuict tu
as emprunté la piece, mouille le papier et le pollissement qu’a
faict le brunissouer au revers, qui faict apercevoir ce qui a esté
faict, ne se cognoistra point. L’eau de savon faict jaulnir
la piece, mays l’eau bien gommée, qui ha le mesme effaict, ne le
faict poinct. Si tu veulx, fais pour cest effect eau gommée,
puys, y destrempe du savon & fais comme dict est.
Tailleurs en planches
Pour nettoyer les planches de cuivre ou pour mieulx faire
imprimer celles qui sont usées, fais les bouillir en bonne lessive bien consumee à la buee
quattre ou cinq bonnes heures. Puys fais ton ancre avecq
huile de lin & non avecq huile de noix, & presse avecq les rouleaus.
Les planches de cuivre sont plus tost faictes que les planches
de boys, mays elles ne sont pas si propres à promptement
imprimer. Celles de boys sont penibles et aussy auront plustost
imprimé vint foeilles que l’aultre deulx. Pour tailler en boys,
le secret est de pocher premierement, c’est à dire de coucher la
piece contretirée ou desseignée sur la planche de boys & faire
que le costé du traict soict collé sur le bois. Estant sec,
tu viens à legerement frotter d’un mouchouer mouillé le revers
du papier, qui en frottant se rendra si subtil qu’il ne demeurera
presque que le traict, lequel aprés on suict en taillant le fonds.
Tu pourrois faire cela au verres historiés & couche de
noir d’escaille pour aprés esgratigner & coucher tes couleurs
sur le descouvert. Pour faire l’ancre pour planches de cuivre,
at left bottom margin
Ces rouleaus
sont bons pour
imprimer promptement
avecq des
cartons taillés
diverses sortes
de pastes.
at left bottom margin
On peult mectre
les planches parmy
le linge quand la lexive est bien affinée, ou bien dans un pot.
[continued]