050v - - - - - Oysillons
Les benarris chantent la nuict si on les laisse au serain
mays ilz sont meilleurs pour engraisser pour les delicates
tables que pour le chant Les pincons sont subgects a venir
aveugles & les yeulx leur viennent enfles au commancement daougst
Les chardonnerets ayment fort la graine de lettue & souvent
on les prend sur les laictues grainees aulx jardins avecq deulx
gluons Mays pourceque tel ordinayre pour eulx seroit trop
cher On les nourrist ordinayrement de chenevi La passe solitaire
se purge avecq une iraigne quil luy fault donner une fois
la sepmaine affin quelle ne vienne poinct de gaillardisse
La calandre se purge avecq du mortier sec compose de
chaulx & sable pour la garder de venir de gallardise
& sengraisser trop Les petits oisillons se purgent
avecq le mesme mortier sec leur en mectant quelques
lopins dans leur cages Le coquu pond au nid du benarris
aultrement dict verdaule Cest oiseau est fort simple Jen ay
aultrefois donne conge a deulx qui a divers jours revindrent
se rendre a leur cage Pour nourrir les petits chardonnerets
il fault piler des amendes avecq de la mie fort petit de mie de pain et de
la graine de lettue ou de la graine de chenevi Si cest
pour linotte de la navette
Acier corroye et limes
Lacier dont communement les mareschaulx & ouvriers de fer se servent
nest pas affine comme celuy dallemaigne ne celuy de biscaye qui est reduict en
durte p dans le bain dun fer fondu Mays seulement aulx barres de fer
qui se portent en platte des forges de foix & ailleurs il y en ha de
plus dur & plus blanc & plus fin que laultre venant ainsy de la
mine Et les ouvriers le choisissent & lapliquent comme laultre acier Et
pourceque quil procede du fer commun ilz lappellent fer fort Mays il
nest point si excellent que lacier purifie comme celuy dallemaigne & biscaye
qui se vend en petites billes Aulcuns corroyent lacier Luy donnant
une chaulde puys le trempent & eau en grande quantite deau puys le
forgent & lacier fin qui est brusc se rompt et esmie & le fer se laisse
estendre Ainsy ilz separent le plus fin acier & lequel avecq une
aultre chaulde ilz reduisent en masse Les allemans font leur limes
de fer fort
at left bottom margin
On aplique lacier
aulx houtils dess non
pas des deulx costes
Mays dessoubs lendroit
ou lon les affuste &
aiguise & de ceste part
ilz doibvent estre de fer
fort doulx
at left bottom margin
Les levantins raffinent
nostre acier car leur pays
ne leur en porte point Et
le font recuire dans un
pot avecq du bitum &