050r - - - - - Garder fruict tout lan
Recipe une ampoule de verre capable a louverture de recepvoir
des cerises et prunes ou selon le fruit que vous voules
Mectes dedans de leau chaulde lespace de deux heures
Et quand leau sera refroidie jectes la & la tournes
la gueule en bas sur une table & bien unie & dans une
chambre ou il ny aye aulcune goutte dair & de vent Puys
en praepares un tapon de cire noeufve entourne de toile
enciree Et ladjoustes a lampoulle bien justement Affin quil
soict tout prest a boucher quand vous y aures mis le fruit
Et quand vous aures cueilly delicatement avecq la main le
fruict sans quil soit corrompu & en jour chault & sec Retires
vous dans la chambre bien close ou il ny entre point de vent
ne dair & le mectes doulcement & avecq dexterite dans la
bouteille Puys tapes bien la bouteille avecq le tapon
& lutes & faictes lut sil vous semble de chaulx vive &
huile & en sorte que leau ny entre point Puys mectes
vos bouteilles dans une pone pleine deau leste Et lhiver
pourceque la cave s dans une cave Et lhiver mectes vos
bouteilles dans un panier garny de quelque poix & le descendes
au fonds dun puys profond Car lhiver leau de la pone
seroit trop froide Si la cave nest bien chaulde Car il
fault que leau soit comme leau de riviere
Mouler
Si promptement tu veulx mouler quelque chose de demy relief
qui te vient en main Plies du papier en cinq ou six doubles
& le poses sur la medaille & fais que le papier se replie par
derriere la medaille affin quil soict bien asseure Apres ayes un
baston large par un bout & poinctu par laultre bien adoulcy
Et frotte fort sur le papier & avecq la poincte du baston resuicts
les traicts & y procede jusques a ce que tu cognoisses que ton
empraincte soict bien faicte Puys a ta commodite frotte
legerement dhuile avecq un pinceau lemp lempraincte de papier
Et gectes y suif ou cire ou soufre & le papier sans se
brusler te rendre ton pourtraict nect que tu pourras apres
mouler en plastre ou tripoly et puys en plomb & aultre metal
at left bottom margin
Le carton poly
guere espes & un
peu humecte est
propre puys si tu
veulx fortifie le
de papier colle
par derriere