049v - - - - - Oyseaulx
Les calendres & touts oiseaulx prins au nid & qui n’ont
poinct eu de liberté sont meilleurs, car ceulx qui sont pris
au filé ne chantent jamays si bien. Touteffois les sauvaiges
donnent bien plaisir de leur ramage, mays il fault
qu’ilz soient pris devant la Sainct Michel, aultrement ilz ne vivent
gueres. Il leur vient à touts sur la fourche de la queue
une petite aposteme par foys, qu’aulcuns appellent gaillardise,
qui les rend mallades & quelques foys les faict mourir,
principallement les calendres. On le cognoist quand ilz
sont tristes & ne chantent point. Il le fault percer av non
pas avecq une espingle, mays tout doulcement en tournant avecq
le bout d’une plume bien poinctue. La calendre ne veult poinct estre
sans sable grisde riviere, & le gris est le meilleur, un peu grossier.
Elle s’y frotte & s’en purge.
Graine de plomb
Ayes une carte percee de laquelle on joue, percée d’une espingle
ou esguille, repliée par les quattre costés. Tiens la par
le bout d’un petit baston fendu, et tenant le dict baston
par un boutl’aultre extremité, dispose ta carte à trois ou 4 doigts
de l’eau que tu auras mise dans un plat ou semblable vaisseau.
Puys fais verser ton plomb, qui ne soict pas trop chault,
dans la carte, & frappe continuellement sur le baston qui la tient.
Et ainsy ton plomb se grenera rondement. Et passes le par
un gros tamis pour separer la plus grosse graine de la
plus menue. La grossette portera 25 ou 30 pas.
Oyseaulx
Ceulx qui peuvent sont pris à la Sainct Michel sont bons
pour garder, mays ceulx qui sont pris en mars se meurent,
pource qu’ilz commancent d’entrer en amour. Les benarris
se nourrissent d’avoyne tout l’esté affin qu’ilz se nourrissent
sans s’engresser, pour estre plus propres à chasser & faire
prendre les aultres. Puys, quand on les veult engraisser
pour vendre, on leur donne du mil. Ils chantent la nuict.
Il les fault c prendre aprés la my juillet jusques à la Sainct Michel,
car aprés ce temps là qu’ilz ont faict leurs petits en ce pays, ilz
s’en vont comme font les tourterelles. Les tarins aussy se doibvent
prendre despuys la Toussaints jusques à Noël, car aprés ilz s’ent vont
aulx montaignes cover.
at left bottom margin
Les benarrins sont
ventriloques, de sorte
que chantant sans ouvrir
le bec on diroit qu’il
sont