049r - - - - - Gect de plomb
Ceulx qui gectent ces petits ouvrages qui se vendent devant
les eglises y fondent une sur une lb destaim demy de plomb
et gectent en pierre & silz veulent leur ouvrage plus blanc ilz
mectent la p moictie destain & moictie de plomb Mays la premiere
mixtion est la meilleure & ne soufle poinct Il la fault gecter
asses chault car aultrement elle ne couleroit pas Aulcuns fument leur
moulle avecq une chandelle de rousine pour gecter nect Lantimoyne
faict la matiere brusque & rompante Lestain de glace faict
louvraige plus blanc Mays non pas plus coulant quand a lestain
Si faict bien a les au plomb pur Ceulx qui font les gects
de plomb bien nects se servent de poincons Les pintiers gectent
en moulle de cuivre On dict quon faict prendre le plomb sur le
verre avecq de la rousine @ Aulcuns mectent sur le plomb un quart
destain Lestain de glace rend louvrage plus fort
at left top margin
Poncet
Ils gectent de
souldure de quoy
les pintiers vitriers se servent
Loppe de fer
Coquille de fer huitre
calcinee
Sable pour gect de plomb
Cendres de paille de seigle bien bouillie puys sechee & bien
tamisee Lalier avecq glaire doeuf @ on y peult getter cuivre letton
et aultres
Aultre
Pierre ponce bruslee & calcinee Os de seiche brusles & calcines
Aultant dun que daultre & cendres de noyer ou de vigne bien bouillie
seichee & subtillement tamisee alie avecq glaire doeuf
Pintiers
Ils mectent sur un quintal destaim fin une lb destaim de glace qui
rend lestaim plus espes Il y a de deulx sortes destain lun deulx
presque comme plomb qui coule mieulx Laultre Aigre qui se rend
plus espes Ils gectent en moules destaim massif & espes ou pour
faire plus nect en moules de cuivre graves au burin ou en pierre ou
en terre Les retailles de letton meslees ne rendain lestain que plus
rompant & plus dur & difficille a travailler Ils gectent dans leurs moules
fort chaults & comme roug & lestain fort chaulx Ils parfument
leurs moules destain de chandelle de rousine
Lestain dou aigre se trouve mesle parmy les saulmons ayse
a couper Mays difficille a mectre en œuvre & fonte sil nest mesle
parmy laultre doulx Et sans cela il viendroit a deschet