046v - - - - - Escrivain huile de soufre
Si lescrivain veult promptement netoyer sa plume de lespesseur
de lancre qui si est deseche Il ne la fault que tremper
dans lhuile de soufre Et incontinent elle sera blanche
& nette Urb
Cordonnier
Sil veult faire quelque ouvraige tane sur des souliers de
cuir noir Il peult tramper en huile de soufre une plume a
escripre Et dicelle paindre sur souliers bottines & colets ce
quil vouldra Et il aura une couleur rousse qui ne seffacera
pour aulcune labeure Urb
Effacer lettre
Trempe une plume a escripre dans huile de soufre recent
& bon & resuicts ainsy avecq la plume trempee toutes les lettres
& elles seffaceront sur parchemin Urb
Escripre sans ancre
Escripts avecq huile de soufre & chaufe & la lettre
deviendra noire comme ceste cy Urb
at right middle margin
Figure
Faire lettre a jour sur papier
et aultre ouvrage
Si tu escripts d ou trasse quelque chose sur le papier
& le chaufes bien tost & incontinent il deviendra noir
puys frottant avecq une esponge la lettre se trouvera
couppee pourcequelle sera bruslee Urb Ou bien resuicts
la lettre avecq une plume de essuicte
Faire brusler les bottes a quelquun
Frottes de lhuile susdict & comme il se chaufera elle
se brusleront sans flamme Urb
Sur pierre lettre noire
Le mesme huile sur des lettres gravees en pierre & chaufe
vient noir & penetre