046r - - - - - Pour les dents, huile de soufre
Aulcuns les blanchissent avecq compositions d’eau fort
toutesfois on dict que cela par aprés les corrompt & leur
cause une noirceur. On dict que l’huile de soufre y
est excellent, mays il le fault mesler de ceste sorte. Prens
aultant d’huile de girofle comme il en pourroit tenir dans
une coquille de noix, et aultant de miel rosat & sept ou
huict goutes d’huile de soufre, & mesle bien tout ensemble,
et aprés avoyr nettoyé les dents avecq un petit burin,
touche les legerement avecq un bout peu de cotton trempé dans
les susdicts huiles et l’y laisse un peu, puys crache ou te
lave la bouche avecq eau tiede, et reitere deulx ou trois
fois. L’huile de soufre penetre & est corrosif, et l mays
l’huile de girofle & le miel rosat le corrigent. Use doncq
avecq discretion.
Huile de froment
Apliqué sur le poil le faict tumber, & le garde de naistre.
at left middle margin
Figure <a href=”https://drive.google.com/file/d/1G9nfjlsULz9521ia7VptfkJ_AjsSPO5H/view?usp=sharing
” target=”_blank”>
</a>
Contre mal caducq
Ayes des oeufs frais d’un corbeau ou qualtre ou cinq, &
l’espace de 4 ou cinq matins fais en cuire un, et ayant meslé
dedans un peu de gentiane en pouldre & une goutte d’huile de
soufre, donne le au patient. En tient que le mal ne revient
plus.
Contre goutes froides
Huile de gayac & huile de soufre meslée ensemble, apliquée.
Go Fleurs d’abres
Celles qui se voyent en toutess les renouveaulx de ☾ ne viennent
gueres à proffict. Il ne fault laisser au greffe que deulx boutons.