044r - - - - - Portee dharquebus
La proportion est de lharquebus de chasse est de 4 pieds de
roy de long & xviii deniers de balle La chasse vi deniers de
pouldre sa portee iiii xx pans & 3 pieds lxi & demy deulx
poulces & quelque ligne quest laulne de paris Lhaquebute
moyene qui est lordinayre & la plus aysee porte xv deniers
de balle v deniers de pouldre & lx pas de portee
Pintier
Ils meslent viii lb ou dix de plomb pour quintal destaim aulx villes
ou sont les Maistres jures Mays ailleurs ilz en mectent le plus quilz
peuvent On mect aussy ii lb destaim de glace Pour le lier & trois
lb de mitraille cest a dire retailles de cuivre que font les chaudroniers
cela faict plus sonner la vaisselle & nest pas si rompante
at left middle margin
Cest estaim
sappelle estaim
commun
Harquebus
Pour la garder de repoulser, il fault de huict en huict jours
nettoyer ton harquebus & la frotter dhuile & quand tu tireras
mouille quelque linge dans huile & le mects au lieu de papier.
Laque
Pour lesprouver destrempe la & laplique sur du papier & si
une ou deux heures apres elle ne sy meurt poinct elle est fine &
bonne
Taincture de fleurs
Le pavot rouge qui croist par les bleds faict sur le cuir blanc
un tresbeau colombin Le boufain faict un fort beau bleu Une herbe
qui croist par les hayes qui ha la tige semblable au lin la foeuille
longue & large comme menue buglose qui ha la fleur violette tirant
au bleu & faicte comme la fleur du lys faict un tresbeau turquin
surpassant lazur Une aultre fleur colombine de la forme &
grandeur de la fleur de buglose qui ha la foeille retirant a celle
de pensee faict aussy un tresbeau turquin elle croist dans les bleds
aulx terres legeres