041v - - - - - Noir des vitriers
L’escaille de fer qui se prend des barres qui ont long—
temps esté au foeu & qui est espesse est beaucoup meilleure
que celle commune tendre qui tombe soubs l’enclume en
forge, pource qu’elle imite le nel. Audict noir, descript ailleurs,
aulcuns y adjoustent d un peu de minium.
Brebis tondues
Si le tondeur quelque foys les blesse il y mect de
la fiente mesme de brebis dessus. Quand elles sont grasses,
elles sont plus aysées à tondre & ne se blessent pas si tost.
at left middle margin
Si le tondeur les
veult viscorter, c’est
à dire chastrer, comme
ilz sont d’un an ou
deulx, il ne fault
pas qu’il aye esté
avecq sa femme car
cela feroit mourir
les moutons.
Couleurs et doreure sur le verre
Il ne fault pas donner l’eau gommée si forte sur le
verre pour la couche de l’or que de l’argent que de l’or, pource que
une foeille d’argent est deulx foys plus forte qu’une foeille
d’or. L’argent aussy est plus dur, et par ainsy ne s’esgratigne
pas si aysement. Q Et si la gomme n’estoit pour l’argent un peu
forte, il ne se refendroit pas si nettement. Quand tu travailles
l’humid l’exalation de ton halene humecte la foeille couchée
sur le verre & par ainsy il sera bon en travaillant de
le chaufer quelque foys. Il te fault bien estre curieulx
de nettoyer ce que tu veulx estre vuide & servir de champ
painct de couleurs, car s’il n’estoit bien net de la graisse
& viscosité de la gomme les & aultres choses, les couleurs
n’y seroient pas si nettes. Pour advancer besoignes, tu
peulx poncer, ou pour mieulx coucher de gomme & de foeille
sur un papier couppé. En ceste sorte il ne te fauldra
que bien peu reparer. Si tu y veulx faire couleur d’or
sans or, mesle du safran sec destrempé avecq un peu de
massicot.