041v - - - - - Noir des vitriers
Lescaille de fer qui se prend des barres qui ont long
temps este au foeu & qui est espesse est beaucoup meilleure
qui celle commune tendre qui tombe soubs lenclume en
forge pourcequelle imite le nel Audict noir descript ailleurs
aulcuns y adjoustent d un peu de minium
Brebis tondues
Si le tondeur quelque foys les blesse il y mect de
la fiente mesme de brebis dessus Quand elles sont grasses
elles sont plus aysees a tondre & ne se blessent pas si tost
at left middle margin
@ Si le tondeur les
veult viscorter cest
a dire chastrer comme
ilz sont dun an ou
deulx Il ne fault
pas quil aye este
avecq sa femme car
cella feroit mourir
les moutons
Couleurs et doreure sur le verre
Il ne fault pas donner leau gommee si forte sur le
verre pour la couche de lor que de largent que de lor pourceque
une foeille dargent est deulx foys plus forte quune foeille
dor Largent aussy est plus dur Et par ainsy ne sesgratigne
pas si aysement Q Et si la gomme nestoit pour largent un peu
forte il ne se refendroit pas si nettement Quand tu travailles
lhumid lexalation de ton halene humecte la foeille couchee
sur le verre & par ainsy il sera bon en travaillant de
le chaufer quelque foys Il te fault bien estre curieulx
de nettoyer ce que tu veulx estre vuide & servir de champ
painct de couleurs Car sil nestoit bien net de la graisse
& viscosite de la gomme les & aultres choses les couleurs
ni seroient pas si nettes Pour advancer besoignes tu
peulx poncer Ou pour mieulx coucher de gomme & de foeille
sur un papier couppe En ceste sorte il ne te fauldra
que bien peu reparer Si tu y veulx faire couleur dor
sans or mesle du safran sec destrempe avecq un peu de
massicot