040v - - - - - Croix des commandeurs
de Malte
Ce beau rouge clair qui faict le champ de la croix
blanche d’esmail est sang larme fine de sang de dragon
destrempé en eau de vye ou bien laque platte d’Inde,
qui a mon advis se faict en Flandres, destrempée avecq
tormentine claire & larme de mastic & posée sur une foeille
d’argent, non pas de celle dont usent les painctres mays
de celle plus espesse qui est brunie par ceulx qui font les
foeilles de pierrerie Av ou par les orfevres, & cella luy
donne ce bel esclat.
Letton et calamine
Les fondeurs ne fondent pas le letton en four a ventde souflets
mays dans des creusets, car dans le four à vent souflets &
, parmy les charbons, la calamine s’en yroit. A
Metal
L’estaim doibt estre pur car s’il y a du plomb il s’en
va en fumée en fondant. L’estain meslé tient longtemps
au foeu mays la cendrée le separe.
Eau fort
Si ta cornue est bien lutée il ne la fault poinct entourner
de cendres, qui ne feroient qu’empescher de bien chasser les
espricts. Mays quand tu luy donneras sur la fin feu de
chasse, entourne la de charbons qui plustost soient allumés ailleurs,
comme doibvent estre ceulx du fourneau, affin qu’ilz ne petillent
poinct & ne fassent poinct de fumée. Mects lesdicts charbons
allumés aultour le corps de la cornue & non pas pres du col,
qui n’a poinct besoing d’estre si vivement chaufé. La grille
haulte où tu assois ta cornue est assés distante d’un dour ou
demy pied de la grille basse où se mect le charbon, car en ce
faisant il ne s’en gaste pas tant.