Making and Knowing
A minimal edition of BnF Ms Fr 640

[TOC] | [translation]

- - - - - folio image: 040v - - - - -

Croix des commandeurs
de malte

Ce beau rouge clair qui faict le champ de la croix
blanche desmail est sang larme fine de sang de dragon
destrempe en eau de vye Ou bien laque platte dinde
qui a mon advis se faict en flandres Destrempee avecq
tormentine claire & larme de mastic & posee sur une foeille
dargent non pas de celle dont usent les painctres Mays
de celle plus espesse qui est brunie par ceulx qui font les
foeilles de pierrerie
Av ou par les orfevres & cella luy
donne ce bel esclat

Letton et calamine

Les fondeurs ne fondent pas le letton en four a ventde souflets
Mays dans des creusets Car dans le four a vent souflets &
parmy les charbons la calamine sen yroit A

Metal

Lestaim doibt estre pur Car sil y a du plomb il sen
va en fumee en fondant Lestain mesle tient long temps
au foeu Mays la cendree le separe

Eau fort

Si ta cornue est bien lutee il ne la fault poinct entourner
de cendres qui ne feroient quempescher de bien chasser les
espricts Mays quand tu luy donneras sur la fin feu de
chasse entourne la de charbons qui plustost soient allumes ailleurs
comme doibvent estre ceulx du fourneau affin quilz ne petillent
poinct & ne fassent poinct de fumee Mects lesdicts charbons
allumes aultour le corps de la cornue & non pas pres du col
qui na poinct besoing destre si vivement chaufe La grille
haulte
ou tu assois ta cornue est asses distante dun dour ou
demy pied de la grille basse ou se mect le charbon Car en ce
faisant il ne sen gaste pas tant