024v - - - - - Pour mener le canon en pays
Si tu a Il fault bien pour mener un canon cent pionniers
pour aplanir les chemins de fosses & aultres empeschemens
comme d’abres, monceaulx de pierres & choses semblables,
pour faire les gabions en chemin. Quand on est pres
de la place qu’on veult battre, le canonier va de nuict
recognoistre le lieu le plus commode pour faire la batterie,
& s’il ne voit bien on donne une faulse alarme affin que
ceulx de dedans jectent des flambeaulx. Bien souvent on
bat au plus fort pource que les assaillis desdaignant la
batterie n’y reparent pas. Il n’y a pas communement en cet endroit
tant de guarites & aultres deffences. Et puys quand on ha
faict bresche au plus fort & qu’on remue le canon, cela
estonne les assaillis. Aux villes fortes on faict les aproches
de nuict, mays aulx biquoques les pionniers portent les
gabions, et portent les ayant posés on mect quelques tables
ou madriers derriere les gabions pour garder les pionners
pendant que par derriere ilz emplissent avecq leurs pales
les gabions de terre. Et pendant qu’on faict cela, on donne
quelque fause alarme d’un aultre costé. Et plustost on ha
tiré quelque volée aulx deffenses. Les gabions les pionners
portent les tables pour faire la solle ou platteforme,
qui ont quattre doigts ou demy pied d’espés, et on les
enchasse en terre. La platteforme excede la largeur
des roues du canon de cinq ou six cano pieds de chasque
costé m s’il n’y ha qu’un canon, mays s’il y en ha
dadvantaige, les platteformes se touchent. La distance
qui est entre les pieces est la largeur de deulx gabions.
Tant que la batterie dure, les canoniers couchent & mangent
pres d’un canon. Si c’est en petites places on ne daigne faire
tranchées pour aller aux pieces, mays on mect force
gabions qui sont hault & on y va en courant. Aulx grand
places on faict trenchées. Il y a tousjours dans les
tranchées ou derriere des barriquades quelques des compaignies
en garde pour la deffence des pieces. On tient le petit
magasin de pouldres de trois ou quattre caques a part.
at left top margin
Sçaches les magasins
de France pour l’artiglerie.
at left top margin
Il est bon que la plateforme
penche un peu sur le devant
pour ce que la piece est plustotst
mise en batterie & tient
plus coup & bat plus roide.
[continued]
at left top margin
Canons à chambre sont ceulx qui ont un renfort
par dedans en tout l’espace
qui contient la pouldre, et
la balle ne peut a rouler
que jusque à l’entrée de
ladicte chambre. Ceulx cy
ne font pas si grande
faulcée & sont fascheux
à charger, mays il ne
s’eschauffent pas si tost.
at left middle margin
Lumiere d’acier se pose en ancrau dans
les canons pource qu’elle ne
se gaste poinct en tirant
comme font bien tost les aultres.
Mays ces ancraus sont
subgects à saulter & porter
domaige au canonier. Il n’y
ha que d’user de la lumiere
propre.
at left middle margin
Lumiere à ras de
la culasse est la meilleure
pource qu’en en ceste sorte
le canon ne repousse gueres.