022v - - - - - Figure at left top margin
Orgues
Puys on les affuste sur une table moyennement espesse,
prés l’unge de l’aultre & on faict à la table des coches
en ceste sorte:
Figure
. & par ces coches on passe le
croc de l’harquebus qui a un trou par lequel on
passe par dessoubs la table des chevilles de fer.
Puys, quand on en veult mirer, on affuste celle du
milieu & celle des deulx costés. Si tu en veulx faire
double reng ou triple ou quadruple ou dadvantaige,
il ne te fault que poser semblable reng de tables
comme le premier, l’ung sur l’aultre. Car l’aultre
Ceste fasson d’orgues faict faussée & est bien asseurée,
car les aultres qui se font d’une piece comme solide
quarrée, n’ont les canons longs que de troi quatre
un pan & demy. Aussy ne servent elles que pour faire
une salve à une entrée ou pour deffendre une porte.
Petite harquebus à croc poise 40 lb, ha de long
quattre pans, se charge jusques à l’escusson, ha trois
balles à la cullasse & deux devant.
Le double canon n’est rien different du grand canon
ordinayre, sinon qu’il porte sa balle
qui ha une ligne d’espesseur ou de diametre dadvantage.
La ligne est la douziesme partye de la balle du
canon. À la culasse, il ha une ligne d’espesseur
plus que le canon & demye au devant. Sa charge est
de six ou sept lb de pouldre, plus que le canon,
scavoir de deulx grands lanternes. Sa balle poise
56 lb. Il fault trente chevaulx pour le conduire.
ll faict bien plus d’estonnement à la muraille que le
canon. Mays il est fort fascheux à conduire.
C’est pour ceste cause qu’aujourd’huy on n’en use guere,
et est plus pour mener en quelque prochain lieu &
battre de prés, ou pour une entrée, que pour exécution
ordinaire. On les aporte basilics, qui sont pieces
faictes à plaisir.