022v - - - - - Figure at left top margin
Orgues
Puys on les affuste sur une table moyennement espesse
pres lunge de laultre & on faict a la table des coches
en ceste sorte
Figure
& par ces coches on passe le
croc de lharquebus qui a un trou par lequel on
passe par dessoubs la table des chevilles de fer
puys quand on en veult mirer on affuste celle du
milieu & celle des deulx costes Si tu en veulx faire
double reng ou triple ou quadruple ou dadvantaige
Il ne te fault que poser semblable reng de tables
comme le premier lung sur laultre car laultre
Ceste fasson dorgues faict faussee & est bien asseuree
Car les aultres qui se font dune piece comme solide
quarree nont les canons longs que de troi quatre
un pan & demy Aussy ne servent elles que pour faire
une salve a une entree ou pour deffendre une porte
Petite harquebus a croc poise 40 lb ha de long
quattre pans se charge jusques a lescusson ha trois
balles a la cullasse @ & deux devant
Le double canon nest rien different du grand canon
ordinayre sinon quil porte sa balle
qui ha une ligne despesseur ou de diametre dadvantage
La ligne est la douziesme partye de la balle du
canon A la culasse il ha une ligne despesseur
plus que le canon & demye au devant Sa charge est
de six ou sept lb de pouldre plus que le canon
scavoir de deulx grands lanternes Sa balle poise
56 lb Il fault trente chevaulx pour le conduire
ll faict bien plus destonnement a la muraille que le
canon Mays il est fort fascheux a conduire
Cest pour ceste cause quauiourdhuy on nen use guere
et est plus pour mener en quelque prochain lieu &
battre de pres ou pour une entree @ que pour execution
ordinaire On les aporte @ basilics qui sont pieces
faictes a plaisir