019r - - - - - [continued]
de campaigne Le faulconeau se charge avecq lanterne
Et ne luy donne lon communement qune lanterne
Aussy y a il daultres faulconeaulx de trois quintals
qui tirent noeuf pans de long leur balle poise demy lb
Leur charge est un quart de pouldre Il se charge
ou avecq lanterne mays plus communement avecq une charge
A la culasse 3 balles & 2 devant Aux petites pieces
qui viennent en amoindrissant par dessoubs 3 quintals
on leur donne bien 3 balles & la douziesme partie dune
balle a la culasse & en ostent quelque fois sur le devant
pour faire ceste addition a la culasse Selon la longueur
que lon leur baille
at left top margin
La force de la
piece est au droict
des tourillons qui est
le despart que faict
la pouldre allumee
at left top margin
La force dune berche
est aux maslees &
au derriere de la
culasse
Double mousquet poise 2 quintals tire sept pans
de long porte balle un quart de lb ou un peu moings
A la culasse 3 balles deulx devant On le charge tant
de pouldre que de balle jusques a la cime de lescusson
qui peult revenir en ces petites pieces a 3 ou 4 balles pouldre
dharquebus Car si on employe pouldre de canon on
les peult charger de lespesseur dec cinq balles
at left middle margin
Il fault
entendre en tout
cecy de balles
de fer. Quand
on tire balle de
metal on surcharge
dun quart de
Lanterne Pource que
si la balle de
canon poise 40 lb
celle de metal
poise lx lb
Aussy prend on
la mire plus
hault tirant
balle de metal
Car si on tire
de balle de fer
de fer de poincte
en blanc on
prendra six
lignes plus
hault tirant
balles de metal
La balle de
metal faict
alliee de cuivre
affin quelle ne
soict frangible
faict bien plus
dexecution battant
de pres que celle
de fer Mays celle de fer
bat plus royde de loing
Mousquet simple poise un quintal a six pans de long
porte balle poisans qu on na pas desgard a celles
cy qui sont moindres de deulx quintals qui portent volontiers
balles de plomb un a la pesanteur de la balle mays
au qualibre Touteffois ceulx qui peuvent avoyr balles
de metal ou de fer font mieux pourceque elles feront plus
de faulcee que six de plomb Sa charge est jusques
a lescusson scavoir de lespesseur de 4 balles
Harquebus a croc poise lx lb scavoir la grande
ha de long cinq pans sa charge est jusques a lescusson
scavoir la longueur de 4 balles porte balles de plomb est pour la deffense
des maisons De ces harquebus a croc & grandes &
petites on faict les orgues qui sont ou propres pour
un assault & dehors & dedans la place Elle se fondent
separement comme pour servir a aultre usage que dorgues
voy le foeillet suivant 4e marque
Figure
