017r - - - - - Du canonier
Le canon tire de poincte en blanc cinq ou six cens pas Mays non
pas pour fayre batterie pour laquelle il ne peult faire bonne execution
que de deulx cens pas ou trois cens pas pour le plus Et ne doit estre plus
loing Sa balle poise communement du qualibre du roy 40 lb Il y a canon
perrier qui poyse xxv quintals qui sont petits canons court
cest pour battre les cassemattes des fosses & pour battre de pres
il porte grand balle de qualibre de roy comme les aultres
scavoir de 40 lb Il ne porte a la culasse que lespesseur de
deux balles & un quart de balle Le devant ne porte que
lespesseur dune balle & la troisiesme partye dune balle Sa
charge est semblable a celle des plus grands sçavoir de 20 lb
Et quand on les veult essayer il ne fault poinct pour cella
quil la surcharge car cella faulce la piece Et pour la premiere
foys & jusques a ce quelle aye tire cinq ou six pieces coups il
est mieulx de ne luy donner pas sa charge entiere Car la piece
sasseure Et lessay quon peult fayre cest de luy donner
sa charge de xx lb de fine pouldre dharquebus au lieu de
pouldre ordinayre de canon Et quattre bons chevaulx sont
suffisans pour les trainer Ils sont ayses & de pres ilz font
aultant de force comme les grands mesmement aulx maysons
particulieres & petites villates & forteresses de peu dimportance
Ils ne sont poinct plus subgects a se crever que les aultres
pource quilz sont courts Car ce qui donne grand force a la
pouldre & danger de se crever a la piece cest la longueur de la piece
pource que la pouldre se brusle toute devant que sortir & la
Limpetuosite est plus long temps tenue contraincte en une petite
longue piece quen une gr courte Le canon perrier est communement
de Sept a huict pans de long Il est vray que cest pan de
montpellier & non pas pan de roy qui nest pas usite en la fonte
de canons pour les faire bons Car le pan de montpellier
estant plus de court les canons qui y sont plus proportiones
sont plus courts aussy & recompensent en espesseur ce la longueur
quilz auroyent au pan de roy a quelle mesure ilz se trouveront
plus longs Mays aussy ilz seroient plus tanvres Lea grand
cano force du canon perrier pour faire batterie est de 4xx pas
at left top margin
Le grand canon a cause
de la poisanteur
de sa balle ne porte
de vollee que mille
ou xii cens pas
sans se reposer &
faire bon communement il
faict iii bons
at left top margin
Le canon perrier
na pas grand
portee sinon de
pres
at left middle margin
On cognoist la bonne
ligue dune piece en la
voyant Car si avecq
la verdeur quelles
jectent sur la super
ficie elles rougissent
cest a dire quelles
sont composees de
suffisante quantite
de rosette Sinon
elles ne sont que de
metal qui se demonstre
blanchastre Si
delles mesmes elles ne
font ceste monstre
racle & tu verras
at left bottom margin
La bonne ligue de
pieces est de trois pars
de rosette & une de metal
fin de la grosse cloche
ou il y ha plus de
rosette quen metal de
petites cloches Le
metal coste communement
xv lb & la rosette fine
xv ou xvi
at left bottom margin
Le pan de montpellier
est de six poulces
de roy qui en
en emporte deulx
commungs
at bottom margin
Il fault pour bien un pointer une piece quelle soict aussy haulte du bort de la gueule que la
culasse Aultrement on ne pointe pas bien
[continued]