014r - - - - - Pour murailles de terre et bastiment
rustique
Les hirondelles nous ont aprins ce mestier faisant leurs nids
de boue meslee pour avoyr liaison avecq des festus & brins de
foing ou de paille Es lieulx doncq ou la pierre & la brique manque
on ce peult ayder de terre a faire paroy & muraille En quoy la
terre legiere qui ne faict poinct de mottes estant labouree ains qui est
comme entremeslee darene tient le premier rang pourceque elle se
bat & tapit mieulx Il est vray quil la fault humecter & la avecq la
palle baisse la coupper en forme de gasons Et ainsi la poser &
disposer Ceste cy dure dadvantaige Et ny a pas tant de facon
et ne la seicheresse ne la faict poinct fendre & crevasser. Mays
pourceque il ne se trouve pas par tout de semblables terres Ceulx
qui sont en bon & fertile territoire Ayants designe avecq le cordeau
les largeur & longueur de leurs fondements fichent en terres sur le
bord diceulx dune part & daultre de grands ch perches & ou chevrons
pour apuyer des tables entre lesquelles il gectent la terre faisant
chasque couche dun pied ou environ lentremeslant commeS.S.S de
branches de bruyeres ou semblables choses puys avecq tros formes
de battouers lappillent & la battent Lun sappelle le mail qui
est en forme triangulaire comme A Et de cestuy on appille premierement la
terre Apres on ce sert dun qui est de billots poinctus par le bout &
emmanches a un gros baston & cestuy est pour bien presser la terre
aux extremites et bords de la muraille qui adhære aux tables & sappelle
Laultre sappelle la batte qui est pour aplanir & battre la terre
pour la derniere foys ainsy quil appert par .C. Puys on faict
un aultre couche de terre & bruiere et on la bat comme est dict & ainsy on continue
jusques a ce que la muraille est parfaicte laquelle on couvre de
bruyeres & puys de terre Aulcuns m entremeslent en la dicte muraille
des rengs de brique Ils font aussi la muraille en talluant
donnant a largeur aux fondements selon quon veult haulsser
la muraille Laquelle estant vielle blanchist & par la demonstre
quil y a du salpestre Cest pourquoy quand elles tumbent les
pouldriers en font leur proffict
Figure at left bottom margin
