013r - - - - - [continued]
agathe de diverse couleur. Mays pource que ceste totalle
blancheur ne respondoict pas à faire ceste crouste blanche en
la superficie que je cherchois, laissant le reste de la chose de
sa couleur naturelle, je fis un pertuis dans une brique de la
grandeur justement de la chose & la mis dedans. Puys je fis
rougir deulx souldouers de vitrier, & comme ilz estoient rouges,
je les presentois l’ung aprés l’aultre sur la superficie de la
chose jusques à ce que j’eus la crouste blanche que je demandois,
sur laquelle je fis tel desseing que je vouleus, descouvrant
jusques au fonds rouge avecq une poincte de diamant, et la
polis avecq des sayes de porceau et du tripoly. Je ne sçay
s’il seroict mieulx de la recuire soubs les cendres chauldes
& s’il seroict bon de l’enchasser dans de l’albastre, qui est fort
froid, comme je l’enchassay dans la brique.
Carnation d’arsenic
L’arcenic sublimé, c’est à dire le blanc qui se vend en
pierre, broyé sur le mabre, meslé avecq vermeillon ou laque
ou mine, faict une belle carnation qui est tousjours
luisante. L’arcenic jaulne est de fort belle couleur, le
blanc est bon à huile et s’acorde bien avecq la laque.
Pour taindre
Mesle sel armoniac & vitriol & fais bouillir ensemble. Puys y
mesle laque ou verdet & azur ou semblables, & taincts, ce qui ne
s’en yra si l’animal ne mue. @Non bona.
Polissement de pierres
Les pierres eai gravées ne se polissent pas sur la roue de
cuivre, ains avecq les broisses et le tripoly. Mays les pierres
taillées à faces et à plain se polissent sur la roue susdicte.
Tamis fins de soye creue
On faict de l’estamine de soye crue au telier pour fayre de fins &
subtils tamis. Et pour cet effect, il ne fault pas choisir la soye crue
blanchie à la fumee du soufre, qui rend la soye chas chargee d’une
vapeur gluante, qui retiendroit la farine & enfin empescheroit qu’elle ne
[continued]