013r - - - - - [continued]
agathe de diverse couleur Mays pourceque ceste totalle
blancheur ne respondoict pas a faire ceste crouste blanche en
la superficie que je cherchois laissant le reste de la chose de
sa couleur naturelle Je fis un pertuis dans une brique de la
grandeur justement de la chose & la mis dedans puys je fis
rougir deulx souldouers de vitrier & comme ilz estoient rouges
je les presentois lung apres laultre sur la superficie de la
chose jusques a ce que jeus la crouste blanche que je demandois
sur laquelle je fis tel desseing que je vouleus descouvrant
jusques au fonds rouge avecq une poincte de diamant Et la
polis avecq des sayes de porceau et du tripoly Je ne scay
sil seroict mieulx de la recuire soubs les cendres chauldes
& sil seroict bon de lenchasser dans de lalbastre qui est fort
froid comme je lenchassay dans la brique
Carnation darsenic
Larcenic sublime cest a dire le blanc qui se vend en
pierre broye sur le mabre mesle avecq vermeillon ou laque
ou mine faict une belle carnation qui est tousjours
luisante Larcenic jaulne est de fort belle couleur le
blanc est bon a huile et sacorde bien avecq la laque
Pour taindre
Mesle sel armoniac & vitriol & fais bouillir ensemble puys y
mesle laque ou verdet & azur ou semblables & taincts ce qui ne
sen yra si lanimal ne mue @non bona
Polissement de pierres
Les pierres eai gravees ne se polissent pas sur la roue de
cuivre Ains avecq les broisses et le tripoly Mays les pierres
taillees a faces et a plain se polissent sur la roue susdicte
Tamis fins de soye creue
On faict de lestamine de soye crue au telier pour fayre de fins &
subtils tamis Et pour cet effect il ne fault pas choisir la soye crue
blanchie a la fumee du soufre qui rend la soye chas chargee dune
vapeur gluante qui retiendroit la farine & enfin empescheroit quelle ne
[continued]