Making and Knowing
A minimal edition of BnF Ms Fr 640

[TOC] | [translation]

- - - - - folio image: 012v - - - - -

Mouler le stuc promptement

Broye & pulverise subtilement de la brique ou bol
armen
ou sanguine & lincorpore avecq cire fondue
& ainsy fondu jecte comme des aultres sur une medaille
de relief
& ainsy tu auras un cave ou tu pourras
gecter du plastre papier pile ou terre chimolee

at left top margin

La brique bien
subtilement tamisee
est meilleure car le
bol est trop gras

Nettoyer perles jaulnes

Fais les doulcement bouillir dans la bouteure dorfevres
puys avecq du tripoly & un lopin de cuir saulpouldre
du coste de la chair de la pouldre dudict tripoly frotte
& polys la perle

Pour blanchir enilanroc

Aulcuns pensent que la crouste de couleur de ceruse qui
est dessus soict naturelle aultres disent que cest un secret
des anciens lapidaires qui sest perdu aultres disent que cest
esmail recuit Et par le moyen de ladicte crouste plusieurs
chifres lettres cercles st & aultres bisarries se peuvent former
Quand au moyen je lay practique ainsy Javoys une fois
volonte de luy donner une couche darsenic broye sur le mabre
Toutesfois je lexperimentay sans iceluy Et mis la chose susdicte
enilanroc dans une petite cassete de fer au feu de ma forge dorfevre
avecq trois ou quattre petits charbons a demy brusles Et ne souflay
quavecq la bouche Et touteffois la chose vint a rougir & prendre
ignition & se fit toute blanche non seulement en la superficie mays
par dedans & lors je la laissay de soymesmes refroidir pres
du feu
car aultrement lexposant tout a coup a lair froict elle se
fust esclatee Estant toute blanche je la passay par ma roue
de plomb
destaing ou je la trouvay aussy dure quauparavant & descouvrant
un peu le blanc je la trouvay de couleur de carnation candide
en fin je la polis & vis quelle prenoit fort beau poliment &
se pouvoict paragonner a une fort belle agathe pour en tailler
quelque beau visaige & le raporter sur la une table dune

[continued]