010r - - - - - Jaspe contrefaict
Ayes de la corne dequoy on faict les lanternes bien deliée & dessoubs
fais la figure de ton jaspe, de cornalines & aultres pierres,
qui sera ouvrage plus propre que dessus le verre qui est trop luisant.
Et la corne represente un lustre & polyment gras comme le jaspe.
Tu sçais, comme avecq la raclure de ladicte corne, les roses se peuvent
imiter. Les corne couleurs pour ce jaspe veulent avoyr fonds avecq
la tourmentine claire ou vernis d’aspic. Et les couleurs mattes en corps
n’i sont pas si propres, combien qu’elle soiect fort belles. Il fault
huiler d’huile d’aspic le revers non painct.
at top margin
Le verre tanvre, pour cest effect, est fort beau.
at left top margin
Tu en peulx incruster
des licts & y peulx,
sur les joinctures,
jecter de la limaille
de talc ou d’espingle
sur le ciment
frais desdictes joinctures. Il les
fault joindre
avecq de la gomme
armoniac
destrempée en
vinaigre. Pour
mieulx contrefaire
jaspe grumeleux,
aplique des laines
a gros poil tainctes
de diverses couleurs
& entresmeslées.
Aprés que tu as
couché toutes les
couleurs, esgratigne
sur icelles des
lignes obliques,
puys couche
de l’or & argent
en foeille.
Si tu couches
sur la corne
des couleurs de tourmentine,
donnes y un
fonds d’argent
ou de foeille
d’estaing. Tu peulx
aussy limer
de la corne & la
mesler avecq colle
forte, & la coucher
sur les joinctures
de la piece de
corne, puys l’unir
avecq le rabot.
Scudegrun
Il se faict à Lyon avecq du suc de gaulde & de la croye incorporée
ensemble, ou pour mieulx avecq de la ceruse qui est propre à
destrempe et à huile.
Roses
Se contrefont ou avecq rasclures de corne de lanternes,
ou avecq rasclures de parchemin bien claires, & deliées & tainctes
& employées comme tu sçais.
Couleur de pourpres
Les painctres la font belle, faisant la premiere assiette d’azur
commun ou pour mieulx d’azur d’esmail, & aprés ilz glassent de laque,
qui sera plus propre à cela si tu y mesles de l’alum qui luy
donne taincture violette selon la quantité que tu en mesles.
Pouldre d’horloges de sable
Elle se faict fort subtille & sans estre subgecte à la rouille, & par sa pesanteur
coulante, prenant du plomb i lb. et le faire fondre et l’escumer et
purifier de sa crasse, puys versé dedans quattre ℥ de sel commun
pulverisé subtilement, et prends bien garde qu’il n’y aye ni pierre
ne terre. Et incontinent que tu l’auras versé, mesle tousjours
tres bien avecq un fer jusques à ce que le plomb et le sel soict bien
incorporé, et leve le incontinent du feu tousjours meslant. Et s’il te
semble trop grossier, broye le sur le mabre et le passe par un tamis fin,
puys lave le tant de fois que l’eau sembl soict claire, jectant ceste petite
pouldre qui nagera, renovant tant de fois l’eau qu’elle demeure toute unie.