009v - - - - - Painctre
Ils font parfondre l’orpiment dans une bouteille de verre
sur les cendres bien chauldes, mays il seroict bien plus propre
de sublimer l’orpiment dans un mattelas à long col comme pour
faire des grenats. L’orpiment ainsy se rougist comme esmail
rouge, & le fault broyer premierement à destrempe à cause qu’estant
parfondu il est fort brusc & difficille à broyer. Aprés on
le peult, estant sec, br delayer à huile & il fera un jaulne
couvert & hault en couleur. Or pour garder l’orpiment de
mourir avecq les aultres couleurs & le rendre compatible
avecq icelles & le faire seicher promptement, c’est un secret
tres fort rare de calciner du sel commun & le broyer
parmy. Le vert de terre ne s’employe poinct à huile.
@
Marchant
Le raiglement que les marchans ont accoustumé
tenir en leurs livres, sçavoir le livre brouillart,
livre de vantes et le livre maige aultrement
appellé le livre de raisons.
Brouillart
Et premierement François du Cros doibt du iisuperscript e de
septembre 1581, pour i cane toille babtiste à 8 livres
canne, je dis —— 8 l.t.
at left middle margin
Mudat au livre
de vantes à r.
25/
François du Cros doibt du iisuperscript e de septembre 1581, pour
i canne toille babtiste à 8 livres canne, ainsy que appert
au brouillart à r. 25
at left middle margin
Mudat au livre
de raisons à r.
55/
François du Cros doibt du iisuperscript e de septembre 1581, pour
marchandise que luy mesmes a prise, expeciffiée par le
menu au livre de vantes n° 7, à r. 55, la somme de 8 livres,
de laquelle ledict du Cros en a faict cedulle ledict jour, à
payer à la feste de la Sainct André prochainne, par ce dis —— 8 l.t. r.