009v - - - - - Painctre
Ils font parfondre lorpiment dans une bouteille de verre
sur les cendres bien chauldes Mays il seroict bien plus propre
de sublimer lorpiment dans un mattelas a long col comme pour
faire des grenats Lorpiment ainsy se rougist comme esmail
rouge & le fault broyer premierement a destrempe a cause questant
parfondu il est fort brusc & difficille a broyer Apres on
le peult estant sec br delayer a huile & il fera un jaulne
couvert & hault en couleur Or pour garder lorpiment de
mourir avecq les aultres couleurs & le rendre compatible
avecq icelles & le faire seicher promptement cest un secret
tenu fort rare de calciner du sel commun & le broyer
parmy Le vert de terre ne semploye poinct a huile
@Marchant
Le Raiglement que les Marchans ont accoustumé
tenir en leurs livres Scavoir le livre Brouillart
livre de vantes Et le livre Maige aultrement
appelle le livre de Raisons
Brouillart
Et premierement francois du Cros doibt du iisuperscript e de
Septembre 1581 / pour i cane toille babtiste a 8 livres
Canne Jedis —— 8 l.t.
at left middle margin
Mudat au livre
de vantes a r.
25/
Francois du Cros doibt du iisuperscript e de septembre 1581 / pour
i Canne toille babtiste a 8 livres Canne Ainsy que appert
au brouillart a r. 25 /
at left middle margin
Mudat au livre
de raisons a r.
55 /
Francois du Cros doibt du iisuperscript e de septembre 1581 / pour
marchandise que luy mesmes a prise expeciffiée par le
menu au livre de vantes n° 7 / a r. 55 / La somme de 8 livres /
delaquelle ledict du Cros en a faict Cedulle le dict Jour a
payer a la feste de la sainct andre prochainne parce dis —— 8 l.t r.