009r - - - - - Laboureur
Pource que le millet est de nature fort sec les mestiviers
le plus souvent le battent de nuict a la frescheur & aux
rays de la lune Ce qui ne se pourroict faire daultre bled
qui est plus humide Car il le fault laisser passer les
rayons du soleil par dessus Et gueres on ne bat que le
soleil ne soit vers le midy Incontinent que le mil est
couppe il fault labourer la terre Car la racine la
mange & amaigrist aultant comme si le millet estoit en pied
La terre ou le millet aura este seme diminue bien de sa
fertilite & c ce qui se coignoist bien a la prochaine semence
quon faict apres Mays sur tout le bled appelle pomole
en gascoigne ou baillard en france faict selon le dire
commun trembler la terre sept ans apres Les febves
ameliorent & amendent le solage pourveu quon y laisse
pourrir les racines & tyges
Painctre
Aulcuns apres avoyr couche leur couleur adoulcissent avecq
le plat dune plume Mays le gros pinceau est le meilleur
Marchant
Ilz ont communement quattre livres Le tyrant qui est un
formulayre pour les aprentifs par lequel ilz peuvent scavoir
ce que chasque piece de marchandise tire & co a combien elle se
doit vendre Le second est le broillart ou grossierement ilz mectent
ce quilz vendent journellement Le tiers est le livre de vente ou
ilz reduisent au net et mectent le compte par le menu de ce qui est
contenu au broillart Le quatriesme est le livre de raisons
qui faict mention de la vente du compte arreste de la cedulle
& du terme du payement & a cestuy cy l il est adjouxte foy en
jugement