008v - - - - - Polissement du ruby balay
Il ne se polist poinct avecq tripoly may comme les aultres
mays avecq de la pouldre de marchasite & de lhuile
Or et argent moulu
Il fault calciner ton or fin avecq le ☿ puys fayre bien
essuyer ton amalgame & fayre voler ledict mercure Apres
le broyer sur le mabre avecq eau gommee Quand a largent
il le fault prendre de depart & le faire manger a leau fort
puys le retirer avecq la lame de cuivre & le laver bien fort
apres le mouldre avecq eau gommee
Polissement de pierres
Il y a pour ce faire trois roues une destain de plomb & de
cuivre fin sur la cu roue de cuivre ne se taille co ou polist
communement que le diamant le rubi saphir & jacinthe orientale
La roue destain est pour les pierres plus tendres comme
lesmeraulde lametiste & aultres
Mixtion des pintiers
Pourceque parmy le fin estaing ilz meslent bien souvent la
moictie de plomb qui rend lestaing sourd pour corriger
cela ilz meslent de la limaille de letton parmy pour le
rendre sonnant
Amalgame parfaict
Ayes un grais le plus delie que tu pourras & le cave
au milieu Mectes y la huictiesme partye de ☿ au & la
dedans frottes & uses y adjoustant de leau urc ☾ ou ☼
jusques a ce que la matiere viendra comme paste & encores plus
dur Apres si vous voules faictes le manger avecq de bon
eau fort si cest ☾ ou ♀ puys refondre layant retire
comme vous scaves La ☾ aura taincture et laissera estant
fondue quelque grain de ☼ & le ♀ sera fort beau & naura
presque poinct de chappe