007v - - - - - Pour donner couleur de toute
sorte de metaulx au boys & aultre chose
Prenés pierre de touche & pierre ponce aultant dun que daultre
& les broyes ensemble & destrempes avecq colle de retailles
plus forte que pour paindre & peignes en ce que vous vouldres
estant sec frottes ceste couche de quelque metal que ce soict
puys le brunisses
Contre la colique venteuse
Prens une douzaine de noix communes seiches & lune apres
laultre gectes les en un bon brasier ou elles se puissent
enflammer & les tires avecq des pincettes Et les laisses
ardre & bien esprendre en lair Et les estaignes dans
un verre de bon vin Apres laisses froidir le vin Et le
coules & en verses la moictie Car six noix estainctes
sont pour une dose Excellent remede contre la suffocation
de matrice
Pour oster la douleur de la gout
Prens demy lb de marquasite doree & jaulne subtillement pulverisee
demy once de storax 4 lb durine incorpores bien tout
ensemble peu a peu dans un mortier puys faictes bouillir
bien fort tout ensemble Mays il fault que le pot soict bien
couvert affin que la fumee nexhale poinct Apres distilles
lurine c’est imbibee & separee par inclination En un alembic
bien lute & couvert dun chapiteau de cuivre & imbibes un
linge de ladicte eau & lapliques tiedement sur la douleur
Contre gonhorrea
Aquae fabrorum antiquae lb i. boli armeniae in tel tenuissimum
pollinem redactae ℥. i. mellis communis ʒ. iii. coquantur ad mellis
despumationem Tum refrigerata, colentur cum forti expressione
& de colatura utatur per iniectionem.