007r - - - - - Pour dorer dor couleur et dor bel
Comme tu as dore colore faict ton estampe ou destain comme dict
est ou de fer dest ou de cuivre il ne ty fault poinct mectre de
couche de colle comme sur le bois Mays seulement ayes de
lhuile gras qui se faict en sept ou huict jours au soleil avecq
de lhuile de noix et du blanc de plomb & avecq la remuant
souvent ou la faire cuire sur le foeu qui aura haste Puys
avecq lhuile ainsi gras broye un peu de blanc de plomb de
massicot & de mine de plomb a discretion aultant dun
que dun aultre le minium donne couleur a lor Apres avecq
cela vous en faictes couche sur vostre stampe uniment gardant
de ne remplir pas les concavites Et comme il sera quasi sec
poses la foeille dor dessus avecq du cotton Cet or tiendra
a la pluye sur les maysons & ailleurs Et si tu auras dore
dor bel colore le avecq fumee de perdrix ou de drap rouge
ou jaulne & il sera beau comme lor fin Tu peulx garnir bahus
mirouers pantes & quenoilles de lict de velours ou satin de couleur
puys y apliquer les stampes dorees dessus avecq colle forte
Pour colorer bahus stampes
La stampe de lamine de cuivre ou letton se faict sur du bois
de cormier grave & taille qui veult espaigner Et apres la
chose stampee se colore avecq les susdictes couleurs de laque
verdet azur desmail & destrempes en vernis de tourmentine
Mais au lieu que tu vouldras azurer pose tu fer blanc qui
est plus propre pour le fonds dazur
Doublets
Le bon sang de dragon destrempe en eau de vye porte son
mastic ou colle soy mesme comme aussi faict le verd de vessie & le
safran
Colle de poisson ou usblac et colle de
bouche
Elle se faict avecq peau de moulue boullie plustost questre
salee Les menusiers en collent leurs chef doeuvre et les quiterniers
sen servent aulx ouvrages delicates Elle veult estre fort battue
puys destrempee doulcement en eau qui ne bouille gueres
La colle de bouche se faict de ratisseures de parchemin et on sen
sert sans feu pour coller papier ou choses semblables la mouillant
avecq la bouche
at left middle margin
On la bat et faict
tremper en eau de vye
de vinaigre en vin
blanc une nuict puys
on la faict fondre
a feu lent Aultres
la destrempent en
eau de vye