006v - - - - - Pour ga cach cages
Tu les peulx embellir avecq des canulles desmail de diverses
couleurs en revestant le fil darchal ou de fer desdictes canulles
Lesquelles tu rompras nettement a telle longueur que tu vouldras
si tu encoches un petit lendroict a rompre avecq une lime qui
couppe Et ne se rompront poinct en aultre endroict Tu les peulx
courber avecq un modelle de bois sur un rechault ou bien a la
chaleur de la lampe Il se tire aussi si long que tu veulx dans
un petit fourneau faict comme un four de reverberation qui
touteffois est perce des deulx costes Et quand la grosse canulle
est rouge ilz empoignent le bout chault avecq des pincettes a
long bec de sorte quune poincte du bec de la pincette entre dedans
le bout de la canulle & par ainsy il salonge sans se boucher
& laultre bout de la canulle se tient avecq la main pourceque
elle nest poinct chaulde Quand la canulle est assez estiree
celuy qui travaille assis ayant son fourneau de la grandeur
dun pot doeillets devant luy la rond & continue Cest pour
faire canulles pour cappes qui se couppent comme dict est avecq
la lime Les boutonniers aussi de verre saident dudit fourneau
Figure
at right bottom margin
soubs la porte y a
une grille qui soubstient
le charbon allume
& la cendre se vuies
tournant du four ce
dessus dessoubs
Pour stampes a embellir et incruster
ou revestir le bord des mirouers ou dessus
de coffres ou frises des pantes de lict
Grave sur fer ou cuivre avecq de leau fort ce que tu
y auras ponce et desseigne apres nettye le avecq le burin
ou ciseau puys gecte de lestain doulx qui na poinct servi
sur du marbre poly & avecq une planche de bois laplatis
bien tanvre Ou bien gecte le en table comme le plomb ou le
passe par la presse a rouleaux Apres pose ta planche
destain sur la chose gravee & sur la planche destaim pose
une piece de feultre & frappe avecq un marteau dessus puys
le dore en ceste sorte