005r - - - - - [continued]
ou linge & le laisser ainsy xx4 heures, & il sera gravé.
Mays si tu voulois promptement graver, vernisses tout vostre
besoigne & la faictes bouillir dans ladicte liqueur, & elle
gravera promptement.
Mirouers d’acier
+ Ils s’appellent d’acier pource que communement le temps passé
on les faisoict d’acier poly avecq potee d’esmery. Mays plus
facilement il s’en faict de diverses sortes avecq le cuivre
franc qui est rosette & l’estain pource qu’il se gecte en moule
& se faict rond cave convexe & comme on veult pour representer
diverses formes.
Prens doncq moictie cuivre de rosette & moictie estain doux,
c’est à dire fin qui n’a poinct encores servi. Et les mects dans
un creuseau & premierement fais bien fondre le cuivre. Et
estant bien fondu, mects l’estain dedans. Et mesle ensemble
puys gecte dans le moule de pierre blanche poinct oeilletee,
& oints le moule d’huile & qu’il soict mediocrement chault.
Puys ayant moule ton mirouer, tu le pourras polir en ceste
sorte.
Enchassés en un dans du plastre affin qu’il tienne ferme,
& puys mectés l’aultre par dessus auecq du sable menu
entre deulx, & frottés l’ung contre l’aultre, soict cave ou plat,
& ainsi tu en poliras deux ensemble. Et si tu les veulx
polir des deulx costes, il ne les fault que rechanger, sçavoir
mectre celuy qui polissoict dans le plastre & de celuy
qui estoict dans le plastre en polir. Aprés les avoir
polis avecq l’arene, tu les pourras adoulcir avecq le tripoli
de Venise, qui ne soict poinct sablonneux, & aprés avecq de
la potee. Tu polis d’arene avecq de l’eau, mays le
polissement de tripoli & potee se faict a sec. Estant poly, tu le peulx enchasser.
Mirouers concave
Le mirouer concave compose de la forme susdicte rend une
infinite de gentilesses qui sembleroient magie. Si quelqu’un
se veult voir derriere, il fault mectre le mirouer concave
à terre sur son pied, & qu’il soict en panchant. Aprés regarder
d’un pas. Mays si tu regardes de pres, il te represente à l’endroit,
mays le visaige fort grand & le poil de la barbe gros comme
[continued]