004v - - - - - Vernis noir pour garde
despee bandes de bahus &c
Prens huile de lin ou pour meilleur marche de lhuile
de noix Et la fais desgraisser avecq des aulx & oignons +queues de pourrceaulx
aulcuns adjoustent des crostes de pain
que tu feras bouillir dedans un bon quart dheure
Apres mects dans une lb dhuile ainsy bouilly la grosseur
dune noix de poix noire & une joinctee de bled de froment
sans oster les aulx & oignons Et laisser bouillir ensemble
un bon quart dheure Et quand la poix est bien fondue
& que lhuile a corps Tu le peulx tirer du foeu Puys
pour vernir mects ton fer sur le foeu legier de charbons
& aplique avecques une plume ou broisse ton vernis Et
quand tu verras quil ne fumera plus cest faict et ton
vernis est sec
at left middle margin
Pour excellent vernis
noir mects deulx ou
trois patenostres de
geyct parmy le reste
at left middle margin
Aulcuns estiment lhuile
de noix meilleur
at left middle margin
Sil y a quantite de
vernis il fault bien
quil bouille un demy
jourCar il est
meilleur tant plus il
boult Il est dangereux
que le feu sy mecte
sil sen va par
dessus et est malaise
destaindre Fais
le doncq dans une
basse court ou lieu
descouvert
at left middle margin
En cinq ou six lb dhuile
on mect une lb de Galipot
qui coste 4 sols & des gousses
dail pelees Ce vernis
de soymesme nest pas
noir Mays il se
noircist au foeu
at left middle margin
Voy cy apres
vers la 3 partye
de ce livre apres les
sables au chapitre
du fourbisseur
Vernis noir sans foeu sans
demonter les harnois ou deffaire
les bandes des bahus
Prens vernis dhuile daspic & y mesle du noir a noircir
ou du noir de lampe & sans foeu il se destrempe de soimesme
Vernis avecq une broisse & il sera bien tost sec Le
vernis de tourmentine seroict bien bon Mays il ne seche pas si tost
Vernis des graveurs sur le
fer
Prens huile de lin ou huile de noix & au lieu de poix
noire tu y mectras un peu de poix resine & le fault cuire
a la facon du vernir noir a foeu Et pour lapliquer
chaufe ton fer & ne luy donne quune couche de vernis
& quand il ne fumera plus il est sec grave apres avecq
la poincte dacier ce que tu vouldras Apres ayes du sel &
du verdegris & le destrempe aultant dun que daultre
en vinaigre bien fort & le laisse XX4 heures devant
quen user & tout se destrempera Apres estens de ceste
liqueur ou saulce sur la chose gravee avecq une esponge
[continued]