Making and Knowing
A minimal edition of BnF Ms Fr 640

[TOC] | [translation]

- - - - - folio image: 003v - - - - -

[continued]

au lieu de tourmentine fine Et tu pourras mectre sur
deulx lb de tourmentine commune une lb de tou huile de
tourmentine fine
& faire tout comme laultre Cestuy cy ne
reviendra qua cinq ou six sols la lb & se vend 40 sols la lb

Figure Figure

Ce vaisseau est pour faire grande quantite dhuile de
tourmentine
scavoir un seau en heure Et nimporte quelle
tourmentine ce soict ou fine ou grossiere Il fault donner
comme tu scais petit foeu au commencement Et tenir toujours
leau froide au refreschissouer den hault La lb sen vent
xii sols & au fonds du vaisseau demeure la colophoine aultrement
pix græca Dans ce vaisseau se fait bien aussi leau
de vye
et nest besoin de la repasser Il ne te fault poinct
de fourneau pour ce vaisseau de cuivre Ains seulement du
charbon aultour sil a le cul plat Mays sil est rond tu le
mectras sur un trepier

at left middle margin

@ Il est mieulx de chaufer
un peu le vernis
que le coucher au
soleil
pourceque
cela faict enveler
le tableau

at left middle margin

@ Aulcuns disent quil
nest bon de distiler dans
ce vaisseau de cuivre
pourcequil faict vert
Touteffois estame il
est bon

Pour vernir

Le vernis de tourmentine na que faire de cole pourcequil
est gras & visqueulx & ne semboit pas dans le bois comme celuy
daspic & de sandaraque celuy aussy daspic ne veult poinct
de cole sur le fer & semblables choses qui ne semboivent poinct
mays sur le bois & sur les couleurs qui ont nont point gomme ou colle
de destrempe
Il est besoing de donner une couche de ladicte colle
de retailles
& laisser seicher & vernir