003r - - - - - Coral contrefaict
+
Il fault premierement faire les branches de boys ou
prendre une branche d’espine bisarre, puys fondre une
lb de poix resine claire de la plus belle et y mectre
une once de vermeillon broyé subtillement avecq huile de noix,
et si tu y adjoustes un peu de laque platte de Venise,
la couleur en sera plus vive, et remuer le tout dans la
resine fondue sur foeu de charbon et non de flamme, de
peur que le feu ne s’y prenne. Aprés trempe en tournoyant
tes branches dedans, & s’il y restoit quelque filament
tourne la branche sur la chaleur du charbon.
at left top margin
La colophonie n’est aultre chose que
rousine recuite. Pour bien la faire,
ayes un pot plombé, & fais fondre la
resine, & bouillir sur brasier une bonne
heure, & jusques à ce qu’elle ne demonstre
estre poinct espesse, ains
claire & liquide comme
eau & que facillement
elle coule & file au bout
d’un baston avecq lequel tu la broyes, & en fais
l’essay. Lors coule la
par quelque gros caneva
ou estamine bien claire,
de sorte qu’en coulant
elle tombe dans du
vinaigre le plus fort
que tu pourras, car le vinaigre luy donne
force & l’empesche d’estre
si frangible. Reitere
cela deulx ou trois
fois, & elle sera belle
& bien purifiée. Pour
contrefaire ton coral,
tu peulx mesler la
quarte partie de mastic
parmy ta rousine purifiée
pour la rendre plus ferme
et plus belle, & si tu prenois
la seule larme du mastic,
tant mieulx seroit mais
il seroit trop long.
at left middle margin
Soufre & vermeillon
faict le mesme effect
at top margin
Le coral faict d’esmail de gueule endure la lime et le polissement.
at right top margin
Il se faict comme le ciment, qui est
plus fort meslé de verre que de
pilé que de brique. Ainsy on y
mesle avecq le vermeillon de l’esmail
de gueule, qui est rouge en corps, bien
pilé. Ainsy de toutes couleurs d’esmails.
Vernis pour tableaulx
Prendre une lb de tourmentine de Venise & la faire chaufer
dans un pot jusques à ce qu’elle fremisse, et mectre dedans
demy lb d’huile de tormentine de la plus blanche que tu
pourras, et la remuer bien ensemble sur foeu de charbon
et l’oster incontinent. Et elle c’est faict. Mays s’il te semble
trop espés, adjoustes y un peu d’huile davantage. Comme
aussy s’il est trop cler tu le peulx espessir y mectant
un peu de tormentine. Ainsy tu luy donneras tel corps
qu’il te plaira. Il se pourroict bien faire sans foeu,
mays estant chaufé il est plus dessiccatif. Il s’aproprie
sur les tableaulx & aultres choses painctes sans corrompre
les couleurs ne jaulnir. Et seiche à l’ombre & au soleil
& du jour au lendemain, et aussy bien en hiver qu’en esté.
Il se vend communement quinze sols la lb
at left bottom margin
Il fault un peu plus
de tourmentine que
d’huile de tourmentine
affin de donner corps
au vernis, lequel se
doibt coucher avecq
le doigt affin de
l’estendre plus delié
et moings espés, car
quand il est espés il
jaulnist et grippe.
On ne vernist pas
pour faire luire les
tableaulx, car cela
ne fait qu’oster leur jour.
at bottom margin
Mais c’est pour faire rehaulser les couleurs qui sont imbeues et les garder de la
poulsiere. Le vernis de mastic ne soubstient point la pluye mays bien celui
d’huile et rousine.
Gros vernis pour le plancher
Il y a du vernis qui est long à seicher & degoute plus de deux
moys aprés qu’il a esté apliqué aulx planchers. Mais
cestuy cy ne degoute poinct comme celuy du temps passé qui estoit
faict d’huile de lin, d’aux bouillis dedans pour l’estaindre &
degraisser, & avecq du bled. Et cestuy cy jaulnissoict & rendoit
verdastre la couleur bleue des tableaulx. Cestuy se faict
comme l’aultre horsmis qu’on mect grosse tourmentine commune
[continued]