003r - - - - - Coral contrefaict
+
Il fault premierement faire les branches de boys ou
prendre une branche despine bisarre puys fondre une
lb de poix resine claire de la plus belle et y mectre
une once de vermeillon broye subtillement avecq huile de noix
Et si tu y adjoustes un peu de laque platte de venise
la couleur en sera plus vive et remuer le tout dans la
resine fondue sur foeu de charbon et non de flamme de
peur que le feu ne sy prenne Apres trempe en tournoyant
tes branches dedans & sil y restoit quelque filament
tourne la branche sur la chaleur du charbon
at left middle margin
La colophonie nest aultre chose que
rousine recuite Pour bien la faire
Ayes un pot plombe & fais fondre la
resine & bouillir sur brasier une bonne
heure & jusques a ce quelle ne demonstre
estre poinct espesse ains
claire & liquide comme
eau & que facillement
elle coule & file au bout
dun baston avecq lequel tu la broyes & en fais
lessay Lors coule la
par quelque gros caneva
ou estamine bien claire
de sorte quen coulant
elle tombe dans du
vinaigre le plus fort
que tu pourras Car le vinaigre luy donne
force & lempesche destre
si frangible Reitere
cela deulx ou trois
fois & elle sera belle
& bien purifiee pour
contrefaire ton coral
Tu peulx mesler la
quarte partie de mastic
parmy ta rousine purifiee
pour la rendre plus ferme
et plus belle & si tu prenois
la seule larme du mastic
tant mieulx seroit mais
il seroit trop long
at left middle margin
soufre & vermeillon
faict le mesme effect
at top margin
Le coral faict desmail de gueule endure la lime et le polissement
at right top margin
Il se faict comme le ciment qui est
plus fort mesle de verre que de
pile que de brique Ainsy on y
mesle avecq le vermeillon de lesmail
de gueule qui est rouge en corps bien
pile Ainsy de toutes couleurs desmails
Vernis pour tableaulx
Prendre une lb de tourmentine de venise & la faire chaufer
dans un pot jusques a ce quelle fremisse et mectre dedans
demy lb dhuile de tormentine de la plus blanche que tu
pourras Et la remuer bien ensemble sur foeu de charbon
Et loster incontinent Et elle cest faict Mays sil te semble
trop espes adjoustes y un peu dhuile davantage Comme
aussy sil est trop cler tu le peulx espessir y mectant
un peu de tormentine Ainsy tu luy donneras tel corps
quil te plaira Il se pourroict bien faire sans foeu
Mays estant chaufe il est plus dessiccatif Il saproprie
sur les tableaulx & aultres choses painctes sans corrompre
les couleurs ne jaulnir Et seiche a lombre & au soleil
& du jour au lendemain Et aussy bien en hiver quen este
il se vend communement quinze sols la lb
at left middle margin
Il fault un peu plus
de tourmentine que
dhuile de tourmentine
affin de donner corps
au vernis lequel se
doibt coucher avecq
le doigt affin de
lestendre plus delie
et moings espes car
quand il est espes il
jaulnist et grippe
On ne vernist pas
pour faire luire les
tableaulx car cela
ne faict quoster leur jour
at left bottom margin
Mays cest pour faire rehaulser les couleurs qui sont imbeues et les garder de la poulsiere
Le vernis de mastic ne soubstient point la pluye Mays bien celuy
dhuile et rousine
Gros vernis pour le plancher
Il y a du vernis qui est long a seicher & degoute plus de deux
moys apres quil a este aplique aulx planchers Mais
cestuy cy ne degoute poinct comme celuy du temps passe qui estoit
faict dhuile de lin daux bouillis dedans pour lestaindre &
degraisser & avecq du bled Et cestuy cy jaulnissoict & rendoit
verdastre la couleur bleue des tableaulx Cestuy se faict
comme laultre horsmis quon mect grosse tourmentine commune
[continued]