Vernis sec en une heure

Prens huile @ de tourmentine blanc @ & termentine & mastic pulverise & passe
subtillement par un tamis & fais bouillir ensemble remuant
tousjours avecq un baston jusques a ce quil soict sec Et
mects parmy pour deulx liards de bonne eau de vye
Et si tu tires la larme de mastic il sera plus blanc &
plus cler @ Il nest point besoing dy mectre de la tourmentine
Mays seulement de son huile blanc de tourmentine & du mastic pulverise
a discretion jusques a ce quil aye asses de corps+

at left top margin

+ Ce quon cognoist quand estant mis
sur un costeau au vent il ne coule point
Cestuy cy est excellent pour tableaulx
et est sec en une heure
et ne grippe point
comme celuy de tourmentine tour
mentine

@ Laver les tableaulx

Aulcuns les lavent avecq eau de savon aultres avecq
urine aultres avecq vin blanc car la pouldre gaste les
couleurs

at left middle margin

** @ Huile daspic **

Il nen fault pas
mectre parmy les
couleurs car il est si
brusc et penetrant
quil faict escailler
les couleurs qui apres
se deffont Et pour
ceste cause les painctres
lemployent a nettoyer
leurs pinceaulx a
huile quand ilz se sont
faicts durs Car il les
rend mols & nets incontinent
penetrant la couleur seiche
qui les empaste Les painctres
aussy envieulx quelque fois
de la besoigne entreprise
par un aultre secretement
le soir versent quelques
gouttes dhuile sur le
daspic sur le bord den
hault du tableau de
sorte que coulant en bas
il faict une tache
qui penetre jusques
au boys & faict
deffaire les couleurs
de sorte que pour faire
louvrage uny & dun
mesme contexte ilz sont
contraincts de reffaire
tout Et ainsy perdent
a leur besoigne

@ Couleur de bois

On donne une couche de bistre puys une main de
vernis

Labeur des flamens

Ils font tous leurs ouvrages a huile avecq la poincte du
pinceau a f la facon des bons enlumineurs et broyent leurs
couleurs fort subtillement se gardent de la poulsiere et nettoyent
souvent leur pinceau des bouts de poil que quelque fois ilz
laissent pource que cela demeurant sur louvrage il cela il
empescheroit de travailler nettement dequoy il sont fort curieux
En ceste sorte leur labeur se monstre fort adoulcy Mesmement
en petit ouvrage en quoy il fault employer plus de diligence
pource quil se voict de plus pres Ils achevent communem le front
puys les yeulx apres le nes en fin la bouche et le reste
Mays ilz ne font pas comme quelques uns qui fo couchent
deulx ou trois carnations differentes lune jaulnastre & lautre
obscure pourceque les couleurs tousjours se meslent & en fin
se meurent Seulement ilz font proprem leur impression

[continued]