060r - - - - - 060r - - - - - [continued]
et affin quelle ne sesclatte mesles y peu dhuile parmy & les
fais fondre ensemble & en remplis les fentes & les unis puys
pains dessus Et lhuile mesle parmy la cire fera q mieulx
recepvoir la couleur qui est aussi destrempee a lhuile
On couche par deulx ou trois fois de la croye destrempee a colle
de destrempe sur le tableau non avecq un pinceau Mays avecq une broisse
en telle sorte comme si tu voulois poncer & laisse seicher Et
reitere jusques a deulx ou trois fois puys avecq un cousteau
unis bien la derniere assiete puys donne dessus une main de colle sur laquelle tu pourras apres
faire ton impression puys paindre Mays garde que
ton premier blanc ne soict pas trop espes car il sesclateroit
volontiers les painctres flamens font faire a douzaine tels tableaux
Quand tu travailles garde bien de nexciter poinct de
poulsiere & quand tu laisses ton labeur couvre le affin que
ladicte pouldre ni tumbe @ Couche aussy tes couleurs les moings
espesses que tu pourras Car si elles sont espesses tu ne pourras pas
bien adoulcir
at left middle margin
Ne couche point
aussy couleur sur
couleur qui ne
soict semblable
comme blanc sur noir
Ains carnation
sur carnation &
ainsy des aultres
Et laisse vuide le lieu de
lumbre ou de la
differente couleur
Ains En ceste sorte
couchant chasque
maniere de couleur
sur la simple
impression elles
ne se mourront
point & tu travailleras
nettement
Lhuile de noix tire comme les amendes pelees est fort blanc
Celuy de palma christi Et quand lhuile a un peu de corps
les couleurs sen adoulcissent car si lhuile est trop cler les
couleurs coulent & non poinct de liaison mesmes celles qui nont
gueres de corps Lhuile gras qui ne semboict pas aysement
est propre pour vernis Lhuile est asses desiccatif quand il
se deseche aussy tost que vernis commun les huiles ne se desechent
pas si tost en pays froit quen pays chault Lhuile expose au soleil
sesclarcist bien Mays il sengraisse Si
tu y mects de la ceruse ou du plomb lime ou blanc de plomb
ou verre p calcine pulverise Pour eviter cela mects la
phiole dans de leau claire
@
Les couleurs a huile estant seiches ne recoivent pas aysement quelque foys
les secondes couleurs pour obvier a cela halene dessus & la couleur y
prendra